30 dic. 2017

Festival de Nadal



Como cada ano, no mes de decembro, os membros de Tanxedoira xuntámonos para celebrar o noso tradicional Festival de Nadal, que se levou a cabo o pasado día 23 no Centro Cívico Novo Mesoiro, en que, coma sempre, non faltou a música, as panxoliñas e os agasallos para grandes e pequenos. Este ano, a parte das nosas tradicionais cestas, engadíronse dous agasallos máis, cedidos por dúas empresas locais: Gran Leiriña e Biosleep, ás cales se lle agradeceu o seu aporte para o Festival.

O Festival foi conducido por Sofi Love e Carmen, dando paso en primeiro lugar aos membros do coro, que nos deleitaron cunhas panxoliñas, algunha delas acompañada de instrumentos, que as fixeron todavía máis fermosas se cadra. A seguir, os membros de acordeón ,que cada día se van facendo "maiores" nos festivais, e os de pandeireta, cada vez máis numerosos, fixeron as delicias de todos nós.

Despois saíron a escena os membros de Improvisación ao teatro, que, como o seu nome indica, improvisaron uns sorrisos a todos os presentes. Despois voltou a música a cargo de Leti Riestra e David (botouse de menos a Javier, o profe, que desta non nos puido aconpañar), cos membros de guitarra, acompañados por algún membro do coro para deleitar co tema Más allá, de Gloria Estefan. Fermosísimo!

E, coma sempre, deuse o premio as nosas tradicionais postais navideñas (e esperamos que cada ano se anime máis xente). Moitas felicitacións para todas e todos os que participaron, pois é algo maravilloso o ver como grandes e pequenos desmenuzan o sentimento do Nadal nunha folla de papel.

E chega o trineo con máis regalos. Agora si, chegaba o sorteo dos agasallos recibidos por Gran Leiriña e Biosleep, alén das nosas tradicionais cestas para nenos e adultos, para cerrar o acto coa participación da Rondalla Tanxedoira, que, coma sempre, fixo as delicias do público que asistiu, ademais de facelos participar.

Pois todo isto aconteceu no noso Festival. Desde o grupo de Festivais e dos membros da Xunta Directiva queremos agradecer e esperamos que fose do voso agrado. Do mesmo xeito, queremos desexarvos unhas felices festas e un próspero ano 2018.

Grazas por compartir estas datas con nós. Até a seguinte, Tanxedoirxs


P.D: Podedes consultar todas as fotos na seguinte ligazón: Ver galería 

Roberto López

29 dic. 2017

Concurso postais de Nadal

Vendo aproximarse o Nadal, Tanxedoira procedeu á convocatoria do seu tradicional Concurso de Postais, ao que responderon con entusiasmo socios maiores e pequenos.

Realizada polo xurado convocado para o efecto, da valoración dos traballos presentados, logo dunha difícil selección lograr, resultaron premiados os seguintes
Carmen Santiago e Ana Mª Ramos
(Categoría Adulta)

Mara Da Silva
(Categoría infantil)
A proclamación de vencedores e a entrega de premios realizouse no transcurso do Festival de Nadal, celebrado no Centro Cívico de Novo Mesoiro o pasado sábado 23 de decembro.

Xa haberá que ir pensando que nova obra presentarémonos ao concurso do próximo ano.

Por moito madrugar non amence máis cedo, porén non deixes para mañá o que poidas facer hoxe

Tanxedoira

3º Festival de Cáritas San Cristovo Das Viñas e San Luis Gonzaga

Ola a todos e a todas!

Xa solo comentaba o pasado ano: “Espero que o ano que vén nos volvamos ver outra vez no ·º festival”… E así aconteceu. A cantar con ledicia, con ánimo de se divertir e colaborar.

Sodés moi GRANDES, acédelo todo con moitas gañas e sen pedir nada a cambio. Non sabedme o que me axudastes no festival! Recollendo mercancías, vendendo papeletas, deixando as bolsas de alimentos e, sobre todo, dándome folgos sen parar.

Por todo isto, quero darvos as grazas. Mais non así, se non así:

GRAZAAAAAAAAAAAAAAAAS!

O festival desenvolveuse sen incidencias a expeción dunha señora á que lle tieven que dicir que pasara a botella de viño na mesa, que os demais tamén quería beber… Non a quería soltar! Hahahahahaha.

Canto aos números, cumprimos os obxectivos marcados no referente a público e recaudación.

Todos os grupos actuaron como tiñamos acordado, sen ningún tipo d problema. Todos fixérono moi ben, mais a min o que máis me gusto foi o coro, que cantan como os anxos!

Para finalizar, quero dar as grazas á dirección de Tanxedoira pola súa colaboración.

E agora imos ver que pasa co 4º Festival…

Alén de todo isto, foi para min un festival moi especial, porque estaban del o meu filho e a súa namorada, que viñeron para nos ver desde Valladolid. Grazas tamén a eles: Loreto e Fernando.

Un agarimoso saúdo de: Rosa, Loli, Begoña e Maxi de Cáritas S. Cristovo das Viñas.


 P.D: Podedes consultar todas as fotos na seguinte ligazón: Ver galería
Maxi Garcia

25 dic. 2017

Festival de Corais en Atios (Porriño)

Seguindo o espírito de colaboración da nosa Asociación Tanxedoira, o coro participou no Festival de Corais que se celebrou en Atios o pasado 19 de novembro. Non podiamos deixar escapar esa invitación e aló marchamos no bus até o Auditorio da Casa Cultural de Atios, no Porriño. A verdade é que a acollida foi moi agarimosa e os membros da Asociación de Atios estiveron pendentes de nós en todo momento.

No festival participaron a Coral Ponte das Febres de Ribadelouro, a Coral Polifónica de Atios e a noso coro Tanxedoira e transcurriu nun ambiente moi divertido, amigábel e, nalgúns momentos, cheo de emoción. Unha mostra foron as dedicatorias e numerosas mostras de cariño que recibiu o pai do noso compañeiro Xosé Luis Reza. E aínda que estabamos a finais do mes de novembro, xa se podían respirar o ambiente do Nadal.

Ao rematar o concerto puidemos compartir uns petiscos co resto de corais organizados polos anfitriões. E cando chegou o momento de marcharmos, fixémolo coa promesa dunha nova colaboración entre nós. Até outra! 
 
 
 P.D: Podedes consultar todas as fotos na seguinte ligazón: Ver galería
 
María García

24 dic. 2017

Un lugar para a memoria



As coincidencias da vida ás veces traen encrucilladas que nos deixan unha mestura de sabores difíciles de combinar, aínda que ao final acaban maridando ben. Tanxedoira celebra unha efeméride importante este ano como é o 40 aniversario do seu nacemento cunha filosofía esencialmente sinxela pero nada fácil de levar adiante; un ideal doado de citar nunha palabra pero non de practicar: compartir, en todas as súas acepcións. Isto implica altruísmo e moita sensibilidade empática. E nesta sociedade, malos tempos para a lírica.
Todo ese ideario (case nada!)  foi o que, quizais inconscientemente, asentaron as familias fundadoras na Asociación. E digo inconscientemente porque en conxunto eles eran así, altruístas, empáticos e sensibles; non creo que fose algo premeditado. Ben é verdade que no seo da parroquia de Santa María de Oza e co respaldo de Antonio Noche e Juan Vila (responsables espirituais da época) viña dado.
Non lembro o número de familias, pero si a todos eles, e o clima que creaban. Era tal o efecto contaxio que o entusiasmo creado anulaba outras alternativas fóra de alí. Eran matrimonios novos con fillos pequenos cun obxectivo común: construír para os seus fillos un espazo seguro de valores. Así empezou Tanxedoira.
Aquelas familias novas loxicamente cambiaron despois de 40 anos. Nalgúns casos tal foi o paso do calendario que desapareceron: Moncha Rey, Fernando Pombo, Teresa Oujo e algún que non foi fundador pero como se o fose, Rafael Carneiro.  Pero neste 2017 o número de baixas incrementouse de súpeto en catro. Concha Gómez foi a primeira, seguida poucos meses despois polo seu marido Clemente Seoane; no verán foi Nieves Prieto e este decembro Latina Precedo. Citar eses nomes en Tanxedoira é como traer á memoria ás grandes figuras do cine, da literatura ou da música. Eran (son), como os primeiros, grandes, decisivos, con ese título de nobreza que outorga o honor.
Non é cuestión de poñer unha nota triste en medio da festa, senón de alegrarnos pola sorte que tivemos de telos a todos eles en Tanxedoira. Creo que seriamos inxustos se non facemos un pequeno oco na festa, na memoria e no corazón para desexarlles o descanso que merecen e para agradecerlles todo o bo que nos deixaron. A sensibilidade lémbranos que debemos unir á celebración do aniversario o agradecemento para estas persoas que desde este ano xa non están connosco e que iniciaron ese camiño. Así maridan ben eses sabores.

Paz e gratitude eternas para todos eles.

                                                                                                                  XLG, decembro 2017

13 dic. 2017

Entrevista polo XL aniversario


Entre os actos que se veñen desenvolvendo por Tanxedoira con motivo do seu XL Aniversario, áchase a entrevista que lle fixo o programa Recendo, da asociación Aleixandre Bóveda e que se emite en Radio CUAC FM, o día 28 de novembro, a tres significativos representantes da asociación: Leticia Riestra, Presidenta; David Loureiro, Director do coro e da rondalla e; Marisa Becerra, socia veterana e grande colaboradora.

Os nosos representantes, do mesmo xeito que sempre, souberon estar á altura das circunstancias, explicando con detalle aos oíntes a tan particular forma de actuar da nosa asociación, agradecéndolles a sua voluntariedade para colaborar na expanxsión do nome de Tanxedoira



TanxedoiraTanxedoira

10 dic. 2017

Magosto 2017

O sábado 11 de novembro repicaron as campás en Tanxedoira e os tanxedoiros e tanxedoiras de todas as idades batemos as palmas e acudimos á chamada. O do partido previo quedou en nada, mais eu creo que non foi por preguiza de se pór en pantalón curto, senón pola xenerosidade de ir buscar as castañas máis marabillosas do mundo, preparadas para asalas e poñelas despois sobre as brasas para que chegaran quentiñas á mesa e ás mans dos comensais.

Miña nai decía que non había mellor tertulia que a que se acompañaban de “castañas asadas e niño con mel”. O día 11 non houbo mel, mais houbo castañas riquísimas e un viño que tamén estaba moi bo. Alén disto, tamén había auga, refrescos, magníficas sobremesas aportadas por mans habilidosas e xenerosas e, como non, moito humor, moitas risas y sobre todo sorrisos que acompañaban todos os xestos. Que máis se pode pedir?

Hai moitas celebracións do magosto, esa sobrosa benvida ao inverno que sabemos celebrar a xente do norte. Porém, a deste ano é máis especial se cada. Sobraron castañas e doces, e mesmo a alegría estallaba en todo momento. De cada celebración á que asisto saio coa mesma idea: esta foi a melhor! E a seguinte vez caio na conta de que estaba trabucada.

Este ano, amigos e amigas, dádelo todo. Grazas mil!
P.D: Podedes consultar todas as fotos na seguinte ligazón: Ver galería

Rosario Barros

XL Aniversario no C.C. Novo Mesoiro

O pasado día 18 de novembro, e continuando a orde programada de actuacións, o grupo de cantos populares de Tanxedoira deleitou coas súas cancións a todo o persoal que nos agardaba ansioso no Centro Cívico de Novo Mesoiro.

Ás 19h. un pouco pasadas, saían á escena os e as compoñentes deste grupo, que abarca persoas do coro e da rondalla.

Ás ordes do director David Loureiro, interpretaron durante case unha hora cancións coñecidas de todos e todas, que foron canturreadas e aplaudidas pola maioría de persoas que abarrotaban o salón do centro cívico.

Se aínda non os escoitache, non deixes de ir ás próximas actuacións.

Agardámoste
 

P.D: Podedes consultar todas as fotos na seguinte ligazón: Ver galería

Jesús García

13 nov. 2017

Celebración do Samaín

Un ano máis chegou o Samaín, unha festividade popular e con arraigamento, que ten as súas orixes no mundo celta, e Tanxedoira non estaba disposta a deixar pasar a opotunidade de convocar os seus asociados e asociadas co fin de se reunir no local social e realizar una festa ao seu estilo. E así foi!

Alí apareceu un bo número de persoas prestoas a organizar tanto o local como o material preciso, para despois botarlle o dente ás pizzas que más adiante se pediron. E a iso sumóuselle unha boa fonte de cocretas xentileza de Chus. E todo, por suposto, acompañado duns bos momentos de tertulia. O resultado foi una tarde-noite do máis agradábel, o que fará esperar con impaciencia a próxima celebración
 
Tanxedoira

11 nov. 2017

O noso teatro nos xeriátricos


O grupo de teatro Tanxedoira tivo diversas actuacións coas pinceladas de “La taberna del puerto” e “La dolorosa” en centros xeriátricos da cidade, entre os que figura a residencia La Obra de la Señora, en Labañou, ao que acudimos o día 17 de outubro.

O 28 do mesmo mes, fomos a residencia Oropea, na Zapateira. E, finalmente, o 4 de novembro estivemos na residencia Sar Quavitae, en Matogrande.

En todos estes centros fomos recibidos con grande satisfacción, os residentes divertíronse co noso teatro e obsequiáronnos con moitísimos e agarimosos aplausos. Despois das actuacións, a dirección de cada centro tamén nos agasallou, a modo de agradecemento, cuns petiscos. Nós, pola nosa parte, comprometémonos a volver. 



P.D: Podedes consultar todas as fotos na seguinte ligazón: Ver galería

Carmen Cabrero.

30 oct. 2017

Tanxedoira on the road!

O pasado 16 de setembro a Asociación de Amigos de Santaballa convidounos a pasar unha xornada moi especial con eles para celebrar as xornadas indianas. Con moitas gañas de pasado ben, fomos os compoñentes do grupo de coro e do grupo de teatro todos juntos nun autobús e con ambiente festivo inmellorábel. O coro tivo unha primeira sesión de cantos de taberna, para despois deixar paso a un grupo da terra. A seguir, os de teatro deleitáronnos con dous marabillosos fragmentos de zarzuelas, habilmente dirixidos por Jesús. As pezas escollidas para esta ocasión eran “La tabernera del puerto” e “La dolorosa”, ambas cunha aceptación incríbel debido á súa maxistral interpretación. A continuación, e xa preto da noitiña, o grupo do coro tivo a segunda intervención para amenizar os valentes que sobrevivían ao frío xunto a nós.Creo que non me trabuco cando aseguro que non sei se o pasarían mellor os lugareños ou nós, mais é que co tempo que levo pertencendo a esta asociación e pertencendo a este coro, cada día teño máis claro que alá onde vai Tanxedoira, alén de arrancar unhas cancións das bocas de que nos escoita, tamén arrincamos un sorriso de ledicia e satisfacción, polo que supón un grande orgullo seguir pertencendo a esta familia.

Unha aperta e até a próxima excursión, familia!


P.D: Podedes consultar todas as fotos na seguinte ligazón: Ver galería 
María Pilar Fernández 

23 oct. 2017

Continuou a celebración do XL Aniversario no C. C. do Castrillón

O pasado sábado, 21 de outubro, a Asociación Tanxedoira retomou o seu periplo polos diferentes centros cívicos da cidade herculina, para compartires con toda a venciñanza coruñesa a celebración do seu meritorio 40º Aniversario. Nesta ocasión, a agrupación de cantos populares deleitou a grandes e a pequenos no Centro Cívico do Castrillón cun repertorio cheo de cancións tradicionais, pertencentes tanto ao folclore galego como ao español ou ao suramericano, entre outros.

Co devagar das cancións, o salón de actos foise ateigado de xente, como se fose o mesmo frautista de Hamelin ou as sereas de Ulises as que estivesen a captar a atención das persoas que pasaba polo centro. Porén, o sorprendente foi que non só era xente maior, máis familiarizada co repertorio tradicional, a que se uniu á festa, senón que tamén acudiron moitas crianzas, acompañadas dos avós ou dos papás, que se amosaban moi participativas e interesadas neste repertorio folclórico que se estaba a reproducir; esas raíces culturais e identitarias que tan importante é manter vivas e saudables, por e para o pobo.

Como nota a salientar, seguindo este fío da transmisión cultural ás novas xeracións, está a estrea nos escenarios de Iratxe, unha pequeniña de apenas tres anos, que aínda que moi noviña e con certo medo escénico, tivo a valentía de subir a actuar co resto da agrupación, entre os que se encontra a súa irmá Irune, figura clave, xunto cos seus pais, Mónica e Toño, para que Iratxe se fose empapando, venres a venres nos ensaios e actuación a actuación nos eventos de Tanxedoira, da esencia e do gusto pola música tradicional que tanto nos une dentro da nosa fermosa diversidade
 
 
 
P.D: Podedes consultar todas as fotos na seguinte ligazón: Ver galería
 
Noemí Iglesias

18 oct. 2017

Comida inicio de curso

O pasado día 1 de outubro, celebramos no local da Asociación a tradicional comida de inicio de curso.

Como todos os anos, cada socio leva algún tipo de comida, que unha vez montadas as mesas, repártese de maneira que todos e todas podemos dar gusto de cada un dos menús, que, por certo, eran moi variados. O surtido consistiu nun abano que vai desde aperitivos e croquetas, pasando por tortillas, ensaladilla, lacón asado e chegando á grande variedade de postres. A verdade é que, sin esquecerme de nada, todos os platos estaban riquísimos.

E despois de dar conta de todo o menú, como non podía ser doutra maneira, seguimos a reunión con partida de cartas, cantos e bailes, tanto maiores como nenos e nenas, desfrutamos ao longo da tarde.

Quero indicar que foi unha tarde de familia, que nós levamos pouco máis dun mes asistindo á asociación e pasamolo en grande. Así que queriamos agradecer a compañía e esperamos, neste ano de celebración para a Asociación, continuar vivindo tardes como esta do pasado día 1. Moitas grazas e a seguir disfrutando, Tanxedoir@s. 


P.D: Podedes consultar todas as fotos na seguinte ligazón: Ver galería
Celsa Boado

7 oct. 2017

Comenzou a celebración do XL Aniversario.


Comenzamos! A primeira das actuacións previstas co gallo do 40 aniversario foi o derradeiro sábado de septembro, e tivo lugar no Círculo de Artesáns da Coruña. Alí atopámonos cun público exixente, animado, participativo e instructivo (mesmo nos ensinaron novas estrofas de cancións ). Un decorado de luxo que nos trasladaba a outra época, onde pasamos unha tarde estupenda cantando cancións populares. Ao rematarmos quedamos con ganas de máis, pero pronto repetiremos.
 
 
 
Alberto Abelleira

28 sept. 2017

De hoxe nun ano!

Este curso é un curso moi especial para todas aquelas persoas que formamos parte de Tanxedoira. Este curso a nosa entidade cumpre corenta anos de vida. Pode non parecer algo excepcional, posto que existen entidades na nosa cidade que incluso chegan a seren centenarias. Mais o mérito de Tanxedoira radica en facelo cunha filosofía ben distinta a calquera outra asociación da contorna (por non ser exaxerado e dicir do mundo enteiro): o altruísmo.

Porén, eu acho que hai outro ingrediente en Tanxedoira que fai que te sintas como en casa, que te entregues, que te soltes e que sexas capaz de ofrecer o teu tempo e o teu coñecemento sen esperar ningún tipo de recompensa: a familiaridade. Tanxedoira é un lugar onde axiña te sintes acollido e arroupado por calquera persoa que alí atopes. E este feito tamén é algo que se mantén desde hai catro décadas.

Aínda que eu levo trinta e catro anos (recén cumpridos) nada máis sendo socio de Tanxedoira, podo presumir de ser a persoa de máis idade que leva toda a súa vida na entidade. Obviamente, moitas cousas seinas porque mas foron contando e transmitindo outras socias e socios, mais este aspecto que acabo de comentar é un recordo que teño presente na miña memoria.

Así, por exemplo, lembro pasar os aninovos no local da Asociación sendo un cativo. Mais non ían persoas dun xeito esporádico, non. Ían familias enteiras: o pai, a nai, o fillo, a filla, a avoa… É normal, pois, que eu tivese varias nais alén da miña: Marujita, Beni, Rosalía, Fina, Merchi, Gelines, Puri, Lola e un longo etcétera. De feito, durante unha desas celebracións, cando tiña uns trece anos, tiven un percance e abrín unha fenda na cabeza. Os meus pais non estaban na festa, polo que foi un socio de entón coa súa filla quen me levou ao Materno Infantil entre as miñas bágoas e saloucos.

Mirade se é familiar que até das súas entrañas saíron varias familias, xa que algúns mozos e mozas coñecéronse en Tanxedoira para máis tarde casar e formar unha familia: Marisa e Luis, Merchi e Claudio, Gelines e Julio, María e Nando, Rosa e Javi etc. E de feito, os fillos dalgúns deles pasaron a ser socios e a participar nas actividades da Asociación. Un dos casos máis rechamantes é o de Martín, que con tan só cinco anos comezou a ensaiar na percusión coa rondalla, sen que previamente lle ensinara ninguén.

Canto ao tema de revertir en Tanxedoira todo o teu coñecemento, lembro que nunha ocasión en que (eu xa debería ter cinco anos), unha vez que saímos da parroquia de Santa María de Oza, cedérannos desde o concello da Coruña o que fora o lavadeiro de Monelos. Aquel sitio estaba desfeito e non valía para levar a cabo as actividades do día a día. Así que meu pai, que era encofrador de profesión, axudado por moitos outros (Paco, Gabriel, Juan Carlos, Espinosa, Pombo…) acometeron a reforma do local no seu tempo libre, cando, en moitos dos casos, non ían facer un uso cotiá del. E desta quenda, tan grande foi o esforzo que os obreiros e xornaleiros cobraron un soldo de nove pesetas en agradecemento polos seus servizos. Algo único e excepcional na historia de Tanxedoira!

Tal vez era por iso que no libro de socios, antigamente, anotábase a prefesión de cada persoa, para así saber de que xeito poderían colaborar. Sen embargo, iso foi algo que descubrín cos anos. Concretamente, cando con dezanove anos fun secretario de Tanxedoira e tiven acceso a esa listaxe de persoas.

Outro exemplo de altruísmo e de entregar a outras persoas o que tés e, sobre todo, o que aprendeche en Tanxedoira é Javier. Un home que comezou na actividade de guitarra por acompañar a seu fillo. Logo, despois de sete ou oito anos, grazas á súa tenacidade, conseguiu tocar na rondalla. Na actualidade, ademais, é monitor de guitarra (para todas as idades) e é quen de facer cousas que nin el mesmo cría que sería capaz de facer.

Ou Rober, que comezou por traer a súa filla de oito anos para cantar no coro e rematou por cantar el con toda a súa familia: filla, muller e pais incluídos. E alén disto, tamén exerce de vicepresidente e cede o seu xardín e instalacións para que Tanxedoira poida levar a cabo alí moitas das súas actividades no exterior, como a sardiñada de San Xoán.

Como podedes ver, co paso do tempo, eu tamén fun aprendendo e vendo o que facían os que eran maiores ca min (e non tan maiores) e hoxe son eu un dos que, entre outras moita xente, trata de inculcar este sentimento noutras persoas. E non sabedes o orgulloso que me sinto cando vexo que o castigo máis grande para raparigas que acaban de entrar no instituto é que as castiguen sen iren a Tanxedoira. Ou ver a nenos e nenas de nove e dez anos encantados cantando cancións dos anos sesenta e setenta. E incluso o cariño e amizade que comparten con xente que está tres xeracións por enriba.

Isto faime pensar en que algo bo ha de ter Tanxedoira para perdurar no tempo tantos anos. Algo bo ha de ter a xente que a forma e que fai posíbel, co seu traballo desinteresado, que todo continúe igual, a pesar do paso do tempo. É por iso que non podemos permitir que a auga do mar engole esta marabillosa illa, esta xoia da nosa ilusión (como di a letra do noso himno). E, alén disto, é unha mostra de que as utopías son posíbeis se as construímos entre todos e todas.

Como diría meu pai: “De hoxe nun ano!”

Viva Tanxedoira e a súa xente!
 
David Loureiro

21 ago. 2017

Actuacións en comuñóns


Os pasados días de verán, o Coro Tanxedoira foi á igrexa da Resureción do Señor no Barrio das Flores paraa cantar aos nenos e nenas que facían a primeira comuñón con moita ledicia.

Os participantes do coro xa levaban un ano indo a amenizar as mañás e este ano chamáronnos outra vez para volver e desfrutar á nosa forma, que e cantando alegrando unha celebración especial.

Tamén agradecemos toda a colaboración que tiveron con nós e agardamos que para o ano que vén esteamos cantando con tanta ledicia e tanto entusiasmo como fixemos desta volta. Unha aperta e feliz verán!
 
 
 
Irune Pereiro

27 jul. 2017

Excursión Fin de Curso 2017

A excursión deste ano non comezou con moi bo tenpo, mais si con bo humor, sobre todo as máis pequenas, que comezaron a cantar e desfrutar desde moi cedo.

A primeira parada foi Cedeira. Era moi cedo e a vila aínda estaba por despertar, mentres os tanxedoiros e tanxedoiras tomabanos un pequeno almorzo.

Despois desta parada, tomamos rumbo hacia Santo André de Teixido, onde todas as persoas que até alí fomos fixemos o ritual da fonte para conseguir tres desexos, alén de apañar unha herba para conseguir unha persoa de quen namorar (a quen lle fixera falta, claro!). E non podemos esquecer a obrigada visita á capela do santo.

Outra parada foi no mirador da Herveira, desde onde non alcanzamos ver nada agás nubes. E iso que está sobre os acantilados máis altos da Europa continental. Pola contra, si que vimos moitos cabalos e eguas que pacían libremente por aquela contorna.

Alcanzamos a metade do noso percorrido na praia de Morouzos, onde facía moitísumo vento, polo que a mellor opción era estar tumbado na toalla e co xersei posto.

O tempo melloraba conforme nos achegabamos a Estaca de Bares, o punto máis ao norte da Península Ibérica, e alí puidemos desfrutar dunhas vistas impresionantes.

Por último, O Barqueiro: unha vila cun encanto especial, a pesar das súas pequenas dimensións. Desfrutamos duns petiscos e, xa preparados, fomos, finalmente á praia do Esteiro, onde maiores e crianzas desfrutaron da pequena charca da ría con baños, xogos e demais... con isto púxose fin á excursión deste ano, en que aproveitamos moito o tempo, alén de coñecer moitos sitios e desfrutar moito.


P.D: Podedes consultar todas as fotos na seguinte ligazón: Ver galería
 
Carmen Paz

19 jul. 2017

FESTA DOS MAIOS

O coro e a rondalla Tanxedoira foron convidados a participar na IV Festa dos Maios que se celebrou no Concello de Valdoviño o día 20 de maio. A invitación realizouna a Asociación de Veciños Santiago Apóstolo de Lago, que merecen unha especial mención polas atencións que nos brindaron como anfitrións.

Os membros de ambos os dous grupos trasladámonos en autocarro até as marabillosas e envexábeis instalacións da asociación promotora. Tal catalogación está baseada tanto na súa ubicación como polas dimensións e dotación dos edificios, que, alén diso, contaban cunha gran zona verde e un parque de xogos para as crianzas.

No programa de actuacións, tamén se achaban incluídos as Cantareiras Álvaro Cunqueiro, o Grupo de Baile Galego Álvaro Cunqueiro e o Grupo de baile Moderno. Polo demais, os grupos de Tanxedoira pecharon as actuacións da tarde.

A grande asistencia de público fixo posíbel que os diferentes grupos recibisen un baño de calurosos aplausos.

As condicións climatolóxicas eran excelentes para desfrutar ao aire libre daquel entorno, polo que, ao rematar as actuacións, os grupos participantes fomos convidados a mollar as nosas gorxas d comer chourizos e liscos, preparados nunha grella que tiñan instalada no exterior, onde tamén se encontraban instaladas as mesas para os comensais.

Despois de termos comido e bebido, non podían faltar as cancións que amenizaron aquela tarde-noite, até que chegou o momento de partir de regreso á Coruñá.

Como é habitual xa nas nosas viaxes en autocarro, o traxecto de volta foi moito máis ameno grazas á iniciativa que xorde das máis pequenas e pequenos.



P.D: Podedes consultar todas as fotos na seguinte ligazón: Ver galería

David Loureiro

11 jul. 2017

Sardiñada

O pasado día 1 de xullo, celebrouse a tradicional sardiñada da nosa Asociación. Este ano, ao igual que o ano pasado, celebrouse na casa de Roberto, Ana, Jorge e Carmen.

Unha boa representación de tanxedoiros e tanxedoiras estivemos a desfrutar da agradábel situación e compañeirismo que se respiraba, namentres Manolo e Luis quentaban a grella para comezarmos a saborear os manxares da terra e do mar regado todo cun bo viño, agás para os cativos e cativas, como é obvio.

A comida estaba exquisita e desfrutamos un montón da leria dos comensais, dos partidos de fútbol organizados por Martin (non sei como facía, mais sempre gañaba el), das cabriolas dos nenos e nenas, acompañados do noso director do coro e da rondalla David, na cama elástica, así como da xa tradicional e disputada partida de cartas.

Daba preguiza marchar para casa, mais ao dia seguinte tiñamos que coller o bus para irmos de excursión. Porén, aínda así alongamos o evento todo o que puidemos. A verdade é que pouco máis se pode pedir: comida, bebida, xogos e amizade. Sempre é un pracer pasar unha tarde/noite con tan boa xente.


P.D: Podedes consultar todas as fotos na seguinte ligazón: Ver galería

Cristino Conde

Alegrando á xente de Monelos-Paxariñas


O pasado 16 de xuño fomos convidados pola AA.VV. Monelos-Pajaritas a celebrar a festa do barrio que daba a benvida ao verán. E como non podía ser doutro xeito, os tanxedoiros e tanxedoiras colaboramos encantados para amenizar o día do residentes desta zona coruñesa. Deleitamos os peóns cun pasarrúas variado e alegre pola mañá, que comenzamos na porta do mercado de Elviña-Monelos. Logo desplazcámonos até unha sobrada praza diante dos Novos Ministerios, onde se nos uniu un espontáneo (funcionario, para máis sinais), que estaba tomando un café e arrincouse a canturrear con nós. A seguir, cantamos diante do bar Piscolabis e rematamos a xornada matutina no coñecido bar Jockey da rúa Brasil, onde nos agasallaron cunha saborosa empanada e auga fresca. Pasámolo de marabilla. 

Mais a cousa non rematou aí: pola tarde, fixemos unha actuación máis seria no palco instalado para a ocasión diante do Centro Cívico de Monelos, onde agardaban todos os veciños e veciñas para desfrutaren de diversos actos. Ao acto tamén acudiu o regidor da Coruña, Xulio Ferreiro, que dixo estar encantado coa iniciativa da AA.VV. Monelos-Pajaritas de realizar actos lúdico-festivos como o que se estaba a realizar, e felitiou os grupos asistentes: Gaiteiriños, Tanxedoira e Son de Monelos, polo seu grande labor e colaboración.

Coido que todos e todas desfrutamos moito da música e tamén das exhibicións das actividades de zumba e bailes de salón que realizaron algúns socios e socias da entidade organizadora.

Un enorme pracer. Agardamos que se volva repetir en vindeiros anos.


P.D: Podedes consultar todas as fotos na seguinte ligazón: Ver galería

Gala Robles Vázquez

30 jun. 2017

ExpoTanxe


Outro ano, os traballos artísticos do nutrido grupo do alumnado de bolillos, labores e abelorios fixeron posíbel montar a tradicional EXPOTANXE, que ficou aberta ao público desde o 12 ao 16 de xuño, ambos os dous inclusive, no local social de Tanxedoira.

Rematado o curso, a profesora de abelorios, Paula Lema, achéganos unha visión sobre a actividade que impartiu ao longo do curso:

"Un momento de descanso e tranquilidade: iso é o que pretendin conseguir coa realización deste curso. Que o traballo coas mans faga voar un pouco a creatividade e a diversión. Ese é o meu pequeno propósito para quen se anime a se achegar ao local e probar. E iso ímolo intentar coa vosa axuda e coa miña desde a aprendizaxe".

P.D: Podedes consultar todas as fotos na seguinte ligazón: Ver galería
Paula Lema

20 jun. 2017

Festival de Fin de Curso 2016-2017

O sábado 17 de xuño celebramos o Festival de Fin de Curso de Tanxedoira no salón de actos do centro cívico de Novo Mesoiro, foi un día moita calor, mais calurosos tamén foron os aplausos que houbo pola cultura e a arte mostradas no festival, e que imos repasar.

Dúas rapazas simpáticas da canteira de Tanxedoira foron presentando as diversas actividades e actuacións. E que mellor que comezar coa actuación do coro de Tanxedoira que cantaron un par de boas cancións. De seguido un trío de acordeonistas tocaron con valentía pezas populares. 

Subimos á palestra os de guitarra para poñermos en práctica as ensinanzas de Leticia e Javier, con acompañamento coral e máis instrumental.

O escenario converteuse nunha pista de baile latino coa coreografía desta movida actividade, e mesmo o movemento trasladouse polos andadeiros da zona de cadeiras.

Un quinteto de pequenas grandes frautistas fixeron soar as frautas con doces melodías.

Nunha nova actividade, pandeireteiras e pandeireteiros tocaron e cantaron dúas pezas tradicionais.

O grupo de teatro interpretou unha escena de humor, en que son premiados especialistas.

A presidenta e o tesoureiro agradeceron, en nome de todos e todas a todos os monitores e monitoras das actividades a súa xenerosidade e a súa dedicación, e fixeron entrega a cada un deles dun abelorio feito polo alumnado desta actividade.

O colofón ao festival púxoo a rondalla Tanxedoira, o seu repertorio e a súa mistura de instrumentos fixeron que se escoitase música magnífica.

E para rematar, desexar que teñamos un bo verán e vernos nos vindeiro curso e próximos festivais, que serán os do 40º aniversario.

P.D: Podedes consultar todas as fotos na seguinte ligazón: Ver galería

Jose Antonio López


17 jun. 2017

Comida Fin de Curso Grupos Artísticos.

Ola, amigos e amigas,

O sábado 10 de xuño tivemos unha comilona no local digna dun buffet de catro estrelas, polo menos.

Tiñamos tortillas variadas, ovos recheos, follado de xamón e queixo, lacón asado, bocartes en aceite, empanadas, friames variados,ensaladas de pasta, pastas riquísimas, melóns, queixos... en fin, de todo. E para alixeirar esta comida bailamos as avoas de noventa e tantos anos; as que non somos tan maiores, mais si avoas; as menos maiores que non son avoas; e as pequenas. É dicir, catro xeracións de bailarinas bailando felices.

Festa rachada ao son do karaoke, con música para todos os gustos.

E así finalizamos a festa, con cafés, manzanillas e poleos.

Tambén houbo partidas de cartas e, para rematar, limpamos o local entre todos os asistentes e deixámolo limpo coma unha patena.

E queremos dar as grazas a toda a directiva e aos colaboradores e colaboradoras que fixeron que este día fose posíbel.

Saíu todo requeteben!

P.D.: Para todas aquelas persoas que non estiveron este ano, recoméndovos que para o ano non perdades esta festa.
P.D2: Podedes consultar todas as fotos na seguinte ligazón: Ver galería

Bicos.


Olga Espiñeira

10 jun. 2017

Grupo Pintura Tanxedoira Curso 2016/2017


O bo ambiente, a confianza e a ilusión entre todos e todas fai que este ano se percibise unha evolución en todo o alumnado, cuns cadros moi elaborados.
Entre pinceis, cores, música e de cando en vez algún baile, propuxémonos facer obras con algunha dificultade e logramos resultados moi positivos para todas e todos. Fican obras en proceso... a duración das aulas e a laboriosidade dos lenzos non fixo posíbel que se finalizasen, mais estou certa de que se rematarán.

Agora tócame a min: quero dar as grazas a Tanxedoira por darme a oportunidade de guiar a estes alumnos e alumnas que chegaron con moitísima ilusión e creo que a seguirán tendo, aínda que eu non continúe aí.

Foron tres anos moi gratificantes que nunca esquecerei. Chegan novos ciclos, proxectos e ilusións para todos.

Deséxovos moitos éxitos en todas as actividades.

Despídome de todos e todas cun forte abrazo.

Nunca esquecerei á miña rapazada de pintura.

Viva a cultura!
Bea Carballido