Vaise un actor, váisenos un amigo

Dende o seo do grupo de teatro e da nosa entidade en xeral queremos rendir unha sincera homenaxe para un membro deste colectivo, para un amigo.

Desgraciadamente, o vinteún de xuño deixounos Ricardo Della Casa logo dunha longa enfermidade. Perico, papel que lle deu sona e polo que era coñecido e recoñecido, deixaba unha profunda marca alí por onde pasaba. Sempre cunha risa, cunha broma, cunha oportuna indicación escénica. Son moitos os momentos de tensión, nervios, traballo e ocio compartidos.

E unha boa maneira de recordalo é enriba dun escenario facendo teatro, algo co que el disfrutaba e facíanos disfrutar aos demais.

Non quixeramos acabar esta homenaxe sen darlle a noraboa a todos os compoñentes do grupo de teatro, pois, a pesar do que supuxo esta perda para todos eles, souberon sobreporse á fatalidade e tentar facernos rir, cando, quizais o sentimento natural non fose ese. E tamén a súa valía como colectivo humano, ao que Ricardo pertencia e pertence, porque, pensando nos que terían sido os desexos do seu compañeiro e amigo, decidiron levar unha representación poucos días despois do seu falecemento.

Moitas grazas polo voso apoio nestes momentos tan dificiles e delicados, sobre todo de parte da sua viuva Carmen Martínez, integrante tamén do grupo de teatro Tanxedoira. E como diría Chinchorro, outro dos papeis levado a cabo por Ricardo, e tamén o propio Ricardo, Iba a decir un refrán muy bonito.... y ya no me acuerdo.

Até sempre. "Verémonos de novo, aínda que sexa dentro de moitos anos."