Xa temos preparado o esperado Festival de Nadal de Tanxedoira; no cal teremos de todo: panxoliñas, rondalla, actuacións do grupo de teatro e máis cousas para pasalo entre todos o mellor posible.
Ah!...esquecíaseme, tamen entre todos os asistentes ao festival sortearase a acostumada cesta de Nadal e faremos entrega do premio do concurso de postais convocado para nenos e nenas de ate 13 anos.
Bo, o devandito vémonos todos alí... como?... que onde?.... mira o cartel de arriba que non o miras. Aínda así, o festival terá lugar o sábado día 17 de decembro no Centro Cívico O Castrillón a partir das 17:30h.
