Cantos no xeriátrico Ballesol

O pasado día 9 de xuño o Coro Tanxedoira actuou cos seus “cantos de taberna” na residencia Ballesol, dun xeito desinteresado, como é habitual. E fíxoo diante dun numeroso e participativo público, que, en todo momento, acompañou os integrantes do coro nas súas cancións. 

 

Sempre é moi grato, aínda que sexa só durabte un pedazo, o ver as caras de alegría das persoas que alí residen. 

 

 

 

Luis López

Sardiñada 2018

O pasado 22 de xuño celebrouse a tradicional sardiñada de Tanxedoira. 

Este ano ubicouse novamente na praza anexa ao noso local, onde se deron cita diversos amigos e amigas de Tanxedoira. 

Despois de finalizar a Asamblea, e grazas a Manolo, Luis e Moncho, que prepararon as sardiñas, o churrasco e o polo para os grandes e o máis pequenos, demos boa conta dun exquisito manxar, mistura de mar e terra, como a mistura que conforma a diversidade de persoas que formamos a familia Tanxedoira. 

Unha vez rematado, mentres os máis pequenos xogaban pola praza, os maiores estaban arredor das mesas (por non haber lareira) a contar contos. 

Só faltou, dado que eran horas “elevadas”, facer algún dos cantos tradicionais tan típicos das nosas festas. Outra vez será. 

Tan só me resta desexarvos a todos e a todas un bo verán e que carguedes as pilas para o vindeiro curso. FESTAAAA.

Jorge López Vilariño