E por fin, despois do parón por mor da pandemia, retomamos o inicio dun novo curso con toda normalidade. Loxicamente, iso implica a nosa xa tradicional “comida de traje”, porque “yo traje tortilla, yo traje ensaladilla rusa...”.
Se ben o quórum desta vez non foi moi elevado, os asistentes gozamos igualmente dos pratos elaborados (e tamén dos comprados!!) ademais de pasar un rato divertido bailando co DJ Loureiro (aqueles marabillosos anos); e tamén cos nosos cantos tradicionais acompañados coas guitarras de David e máis da miña. Botábase de menos pasar estes ratos coa familia Tanxedoira así que espero con gañas que veña a seguinte e oxalá sexamos moitos máis..
Leticia Riestra Ainsua
P.D: Podedes consultar todas as fotos na seguinte ligazón: Ver galería